Me é capitou pi de calche ota de ciatà n internet aplicazion che parmete de fei fumete. Sta ota ei ciatou n momento par fermame a proà. Se avesse pì tenpo (vardé che “avesse” con doe “s” no e n sbalio; a sto proposito podé vardà l fumeto ca sote …) me piasarae fei calche fumeto da ride sula dente de Loze, argomente no manciarae … .

Credo però che l fumeto sea anche n modo nteligente pa nsegnà e fei didatica e me piasarae che nte le scole i proasse a svilupà calche tema leou al Ladin, fasendo uso propio de l fumeto.

Par vede n tin meo i fumete che ei fato, podé clicai sora. Bon, no me resta che meteve l link al sito de Makebeliefscomix agnó che podé proà, se avé voia, a fei calche strissia (tenti che se po stanpale e spedile par email, ma no salvale sul sito; podé però fei n “cattura schermo” e salvale sul vostro computer).

Danilo De Martin

Condividi l'articolo:

•