A DUTE I COLEGHE E SOCE:

CONVOCAZION DE L ADUNANZA GENERAL DE L UNION LADINA DEL CADORE DE MEDO

sabo  al 14 de marzo 2009, ale  10.00 n prima convocazion e ale 10.30 n seconda convocazion ntela sala de la Magnifica Comunità de Piee de Cadore.







Se discutarà:

• resoconto de l’atività fata nte l 2008
• presentazion e aprovazion del bilancio del 2008 e del bilancio de prevision par al 2009
• comunicazion de l Presidente
• l Istituto Cultural de la Dolomites
• nuove idee par al 2009
• autro

Zerca de vegnì e de partecipà a la discusion! Chi che vo vede al bilancio del 2008 po ciamame al 335/5265204. Dute chi che vegnarà avarà a disposizion n libro omagio.

Chel che avon fato ntel 2008 e chel che volon continuà a fei ntel 2009.

Co le scole:

• avon stampou apede de la scola de Domiege e de l’Associazion Arcobaleno n libruto de storiele nventade da i tosate de Cialauz, Domiege, Loze, Auronze e del Comelego scrite par ladin de i  diverse paes. Nte l libro é anche n CD co le registrazion de le storie contade.
• co la scola media de Loze colaboron pal sito n internet che al vegnarà sistemou da i tosate
• con dute le scole avon fato n concorso pan disegno-logo che avon dorou pa stanpà na borsa de coton da regalà a dute
• co la scola media de Auronze avon idou la stanpa de n libro su l emigrazion fato con tanta passion da Ilde Pais e i so tosate
• co la scola media de Domiege avon stanpou n abezedario pa ladin par idà i tosate a scrive e nparà la nostra mare lenga. Al libro é stou fato con tanta passion da la maestra Ermes Vincenzotto apede i so tosate
• co la scola elementar de Cialauz avon contribuiu a la stanpa de n CD su pal paes

Par dute:

• continuon la colaborazion col Museo de la Lataria de Loze, che l vien verto d istade e cuan che la dente domanda, fasendo anche la visita guidada ala Ruoia dei Mulin de Loze.
• avon stanpou l libro “Proverbie e mode de dì de Loze” apede l Comun. L edizion é stada curada da Carla Laguna e dute le famee à podesto portasse a ciasa na copia de l libro
• avon tegnù verto e mantegnesto l troi botanico “Tita Poa” de Loze
• continua la pagina su “Il Cadore” scrita pa ladin; dute chi che vo scrive po mandà a l’Union Ladina l so contributo
• continua la colaborazion co l’Istituto Ladino de la Dolomites con progete sul ladin ntel Cadore de Medo

Francesca Larese Filon

Foto: Flickr (Mnadi) (modificata)

Condividi l'articolo:

•